حكاية عن عدل صفوت الشريف !
على صفحته الشخصية في فيس بوك كتب المستشار وليد شرابي منشورًا طويلاً عن ” عدل “صفوت الشريف :
الكلام عن صفوت الشريف لا يحتاج إلى مجرد منشور على مواقع التواصل الإجتماعي بل قد يحتاج إلى مجلدات تحكي قصة أحد أركان حكم دولة مبارك .لن أحكي عن صفوت ضابط المخابرات وتلميذ صلاح نصر ،ولن أحكي عن ثروته التي تضخمت خلال حكم مبارك ،ولن أحكي عن علاقته بالفنانات ،وقصة القصر الذي أهداه للمطربة سميرة سعيد في منطقة القاهرة الجديدة والذي تناولته تحقيقات الكسب غير المشروع خلال حكم الرئيس مرسي وكانت قيمة القصر ٢٠ مليون جنيه ،ولن أحكي قصص وروايات صفوت مع الفنانة سعاد حسني .لكن سوف أحكي عن موقف لا يعلمه الناس وينشر لأول مرة .صديقي محام مشهور وشخصية عامة معروفة في مصر ومازال موجودا داخل مصر ،وهو يمتلك ( شاليه ) في قرية سياحية راقية في الساحل الشمالى وفي نفس القرية يمتلك صفوت الشريف قصرا .حكى لي صديقي أنه في عام ٢٠٠٩ كان يقضي عطلة لمدة اسبوع داخل تلك القرية وبينما هو يجلس أمام البحر يقرأ الجريدة على الرمال الدافئة مستمتعا بنسمات الصيف الجميلة شاهد ( المقاول ) الخاص بالقرية وكان يعرفه يسير قادما من اتجاه قصر صفوت الشريف وعند مرور هذا المقاول من أمام صديقي المحام لاحظ صديقي أن المقاول يكلم نفسه ويقول كلمات غير مفهومة ،وكان صديقي يعرف المقاول والمقاول أيضا يعرفه جيدا و،عندما مر المقاول من أمام صديقي فقال صديقي للمقاول : سلام عليكم المقاول : استمر في السير يكلم نفسه ولم يرد صديقي ارتفع صوته وقال : هاااااي سلام عليكم … مالك ؟ المقاول : لم يلتفت إلى صديقي وإستمر في السير يكلم نفسه !!!تعجب صديقي للحظات ولم يفهم هل لم يسمعه المقاول أم أنه تعمد عدم الرد عليه فقام صديقي مسرعا خلف المقاول وأمسك بيده وسأله : مالك يا حاج مش بترد السلام ليه ؟ سلم المقاول على صديقي بحرارة وترحيب وكأنه يراه ويسمعه للمرة الأولى في هذا اليوم فسأله صديقي : إنت ماشي بتكلم نفسك ليه ؟ المقاول : والنبي سيبني في حالي يا استاذ ..صديقي : مش حاسيبك فى الحالة دي تعالى اقعد معايا شوية واحكي لي مالك .جلسا على البحر وصب صديقي له الشاي وانتظر حتى هدأ قليلا ثم أعاد عليه السؤال … مالك يا حاج ؟ فقال المقاول : صفوت بك الشريف أرسل لي منذ فترة أن أزوره في مكتبه في القاهرة ،وتاني يوم سافرت ورحت له مكتبه والحقيقة الراجل رحب بي جدا ،وطلب مني اني أنفذ أعمال خاصة بالقصر بتاعه في القرية .فقال صديقي : إيه هي الأعمال دي ؟ فقال المقاول : مساحة الشاطئ اللي على البحر أمام قصر صفوت بك كبيرة جدا فهو قال لي إن الشمس بتكون حامية أحيانا فهو عايز يقفل المساحة من الجانبين للشاطئ الخاص بالقصر بتاعه بجزوع النخل وعمل سقف للشاطئ من الخوص وجريد النخل .فقال صديقي : ده طلب غريب جدا فقال المقاول : ده كمان طلب إن السقف بتاع الشاطئ لازم يسمح بإن ضوء الشمس يوصل للشاطئ من خلال فتحات صغيرة بين الخوص وجريد النخل ،وطلب مني اني احسب تكلفة الشغل ده كله كام .فأنا قلت له احنا تحت امرك يا فندم مافيش مشكلة اللي حضرتك تدفعه لكن صفوت بك قالي مش ممكن لازم تقول كام والا مش حاخليك تنفذ الشغل .فأنا حسبت الحسبة ولاقيت إن الشغل حيكلفني ٤٠٠ الف جنيه لكن قلت له ٣٥٠ الف علشان يعرف اني كرمته وخدمته كويس وأشتري رضاه .فقال صديقي : طيب إيه المشكلة الراجل عداه العيب .فقال المقاول : اصبر يا استاذ وانا في المكتب قام مطلع من المكتب ٥٠٠٠ خمسة آلاف جنيه وقالي ده عربون وانا حاجي ازور القصر قريب واحاسبك .وفعلا استلمت الخمسة ألاف جنيه ومن تاني يوم بدأنا الشغل على الشاطئ وعملت حاجة عظيمة في وقت قياسي ولا الف ليلة وليلة فقال صديقي : طيب إيه المشكلة فقال المقاول : أول ما خلصت بلغت صفوت بك أن الشغل خلص تمام زي ما أمر ،وهو قال لي انه حيجي القصر قريب وحيبعتلي أول ما يوصل .وفعلا وصل النهارده الصبح ولقيت حد من طرفه بيتصل بي و بيقول ان صفوت بك منتظرك دلوقتي في القصر .فأنا رحت وعارف انه حيشكرني ويديني بقية حسابي فقال صديقي : هو انت خلصت الشغل وما استلمتش حاجة غير الخمس تلاف جنيه ؟فقال المقاول : اه والله ماخدتش غير الخمس تلاف جنيه لكن مش دي المشكلة …. المهم فأنا وصلت عند بوابة القصر بتاعه وقلت للحرس انا المقاول وصفوت بك بلغني اني اجي عنده دلوقتي .فقام الحرس بتفتيشي تفتيش ذاتي بمهانة كبيرة وبعد ما رموني عند البوابة ساعة لقيت ٣ من الحرس جم خدوني ودخلوني القصر وصلنا غرفة مكتب لصفوت بك جوه القصر … الحقيقة انا كنت فاكر إن الحرس كان قصدهم يضايقوني وقلت انا حاشتكيهم لصفوت بك .فقال صديقي : طيب إيه اللي حصل فقال المقاول : أول ما دخلت المكتب قلت لصفوت بك صباح الخير يا فندم .فقال صفوت : صباح الخير ايه يا إبن الوس** يا بن الشرمو** يا خ** !!!فقال المقاول : خير يا فندم هو انا غلطت في حاجة ؟!!!فقال صفوت : هو انت مش فاهم يا عر* اللي عملته ؟ فقال المقاول : أنا فاكر ان الشغل عجب حضرتك والله ما فاهم حاجة .فقال صفوت : تعالى معي أنا حاوريك .أخذ صفوت المقاول والحرس إلى شاطئ القصر فقال صفوت : هيه عاجبك الأرف ده فقال المقاول : معلش يا فندم ممكن توضيح فقال صفوت : مش أنا قلت لك إن السقف لازم يكون في فتحات صغيرة تسمح بمرور أشعة شمس بسيطة للشاطئ بين جزوع النخل والخوص والجريد ؟فقال المقاول : ايوة تمام وانا عملت اللي حضرتك قلت عليه فقال صفوت : لكن الفتحات دي أكبر من اللي كان قصدي عليها يا بن الوس*** لازم تزود خوص وجريد نخل شويه في السقف .فقال المقاول : حاضر يا فندم دي بسيطة حاروح أجيب العمال وخلال ساعتين نكون خلصنا .فقال صفوت : ايوة حتخلص والجزمة فوق دماغك يا خو* .فقال المقاول : طيب انا حاروح أجيب العمال فقال صفوت : رايح فين يا كلب يا ابن الكلب ؟فقال المقاول : حاجيب العمال والخوص والجريد علشان نخلص الشغل .فقال صفوت : إنت مش حاتخرج من هنا إلا لما ترجع الخمس تلاف جنيه اللي اخدتهم مني في مصر !!!وبالفعل اتصل المقاول باحد معارفه داخل القرية وحضر إلى القصر ومعه الخمسة الاف جنيه وسلمهم للمقاول ،وقام المقاول بتسليم الخمسة ألاف جنيه إلى صفوت الشريف !!!حينها أطلق صفوت الشريف سراح المقاول لكن قبل انصراف المقاول .قال صفوت للمقاول : لو ما خلصتش الشغل خلال الساعتين اللي جايين مافيش داعي أقول لك ايه اللي حيحصل فيك .وبالفعل عاد المقاول والعمال إلى القصر وانهوا العمل في أقل من ساعتين. فقال صديقي للمقاول : طيب بعد لما خلصتوا اداك ال ٣٥٠ الف جنيه حق الشغل .فقال المقاول : هو الحمد لله الشغل عجبه في الاخر وقالي يعني كان لازم اهزأ أمك علشان تشتغل مظبوط وقام طردني من القصر من غير ما يديني ولا مليم .فقال صديقي للمقاول : طيب وإنت حاتعمل ايه دلوقتي علشان فلوسك اللي لك عنده ؟فقال المقاول : والله انت طيب يا استاذ انا حاستخبه اسبوع في مكان ماحدش يعرفه لو الموضوع خلص حبقى ارجع لكن لو عرفت ان في حد جه عايز يقبض علي حاحاول اطلع بره مصر فترة .حينها بدأ صديقي في حالة هستيريا من الضحك حتى البكاء وظل المقاول ينظر إليه في دهشة لكن لحظات وبدأ المقاول يضحك مثل صديقي حتى كادا أن يتوقف قلبهما من الضحك .
